គ្មានឡើយអ្នកល្អ ឥតខ្ចោះ


១. គ្មានឡើយអ្នកល្អឥតខ្ចោះ



មនុស្សមួយចំនួនពេលដែលធ្វើខុសឬសាងកំហុសអ្វីមួយ ឬក៏បរាជ័យក្នុងការងារឬការសិក្សា ពួកគេតែងតែស្ដីបន្ទោសឪ្យខ្លួនឯងថាជាមនុស្សដែលគ្មានបានការ...អត់ប្រយោជន៍... សូម្បីតែរឿងប៉ុណ្ណឹងក៏ធ្វើមិនបានដែរ ហើយពេលខ្លះទៀតអាចធ្វើបាបខ្លួនឯងក៏មានដែរ។

អ្នកធ្វើបែបនេះមិនត្រឹមត្រូវទេវាមិនបានផ្តល់ផលល្អដល់អ្នកឡើយ វាមានតែបន្ថែមសម្ពាធឪ្យខ្លួនឯងបន្ថែមទៀតប៉ុណ្ណោះ។

អ្នកត្រូវដឹងថា មនុស្សយើងទាំងអស់មិនមាននរណាម្នាក់ដែលល្អឥតខ្ចោះឬល្អគ្រប់ដប់នោះទេ ភាសាអង់គ្លេសសរសេរថា " No 0ne is prefect " ។

មនុស្សគ្រប់គ្នាសុទ្ធតែធ្លាប់ធ្វើខុស ធ្លាប់សាងកំហុស ធ្លាប់មានបញ្ហា ទោះបីពូកែប៉ុណ្ណា ឆ្លាតប៉ុណ្ណាក៏នៅតែធ្លាប់ធ្វើខុសដែរ ព្រោះថាមនុស្សយើងម្នាក់ៗមិនឥតខ្ចោះឡើយ ទើបខ្មែរយើងកត់ចំណាំទុកនូវសុភាសិតមួយឃ្លាថា " ដំរី🐘ជើងបួនគង់មានភ្លាត់ អ្នកប្រាជ្ញាចេះស្ទាត់គង់មានភ្លេច " ។

បើធ្វើខុសហើយត្រូវចេះសុំទោស បើធ្វើខុសហើយត្រូវចេះកែប្រែកំហុស បើគេឬអ្នកឬខ្ញុំចេះដឹងខុសចេះកែហើយយើងក៏ត្រូវចេះលើកលែងទោសវិញផង វានិងកើតជារឿងដ៏ល្អបំផុត កុំទៅអូសដំណើរសារើកំហុសមកធ្វើទារុណកម្មអ្វីមួយអី ។

បើធ្វើខុសហើយនៅតែត្រាំត្រែង អង្គុយសំកុកមិនធ្វើអ្វីសោះ ដេកកើតទុក្ខនិងកំហុសដែលខ្លួនបានធ្វើឪ្យសោះ វាមិនល្អឡើយ ។

បើជ្រុលជាសាងកំហុសទៅហើយ យើងចាត់ទុកកំហុសនោះជាមេរៀនទៅចុះ និងរៀនពីកំហុសដែលយើងបានសាងនោះ រួចសាកធ្វើវាម្ដងទៀតកុំឪ្យជាន់ដានកំហុសដដែលនោះ ។

អ្នកត្រូវចាំថានៅលើពិភពលោកនេះនរណាក៏ធ្លាប់ខុស នរណាក៏ធ្លាប់សាងកំហុសដែរ គ្រាន់តែថាកំហុសនោះវាខុសៗគ្នាទៅតាមកម្លាំងដែលបានសាង និងសកម្មភាពកំហុស ។

ឥតមានឡើយមនុស្សដែរល្អគ្រប់ដប់សូម្បីតែលោក " ថូម៉ាស់ អេឌីសាន់ ដែលជាអ្នកបង្កើតអំពូលភ្លើងដំបូងគេ គាត់ក៏ធ្លាប់សាងកំហុសដែរ លើសពីនេះកំហុសគាត់ច្រើនទៀតផង ។



កាលពីដំបូងឡើយគាត់ចាប់ផ្ដើមបង្កើតអំពូលភ្លើង គាត់បានធ្វើខុសជាច្រើនលើកច្រើនសារ ខុសម្ដងហើយម្ដងទៀត បើជាមនុស្សធម្មតាគាត់និងលែងធ្វើវាបន្តទៀតហើយ រួចក៏ស្ដីបន្ទោសមកលើខ្លួនឲបាកស្បាតលែងធ្វើចង់អ្វីទាំងអស់ ។

ប៉ុន្តែគាត់បានលើកលែងកំហុសឲខ្លួនឯង កែប្រែកំហុសត្រឡប់ធ្វើរបៀបផ្សេងមួយទៀតរហូតទទួលបានអំពូលភ្លើងដែលភ្លឺពេញលេញ ដែលយើងអាចបំភ្លឺ ដូចយ៉ាងពេលនេះអ្នកអាចបើកអំពូលអានសៀវភៅផងក៏ថាបាន ។

☺️☺️☺️

ជីវិតនៅម្នាក់ឯងមានអីមិនល្អ


“ប្រើជីវិតយុវវ័យឱ្យមានន័យ”



នៅផ្ទះផ្សេងគ្នា ត្រឹមជាសង្សារគ្នា មិត្តភក្ដិគ្នា ឬមនុស្សស្គាល់គ្នានៅឡើយ បើឈ្លោះគ្នាចប់គឺចប់ហើយ ខឹងគ្នាដេកផ្ទះរៀងខ្លួន ផ្ទះបាយរៀងខ្លួន។ ប៉ុន្ដែបើជាប្ដីប្រពន្ធនឹងគ្នា គ្រួសារនឹងគ្នា បងប្អូននឹងគ្នា ឈ្លោះគ្នាហើយហូបបាយឆ្នាំងជាមួយគ្នា ដេកផ្ទះជាមួយគ្នា ផឹកទឹកប៉ាន់តែមួយជាមួយគ្នា។

សម្រាប់អ្នកដែលមិនទាន់មានគ្រួសារនៅឡើយ បើនៅតែឯងស្រួលហើយ ចំណាយពេលវេលានៅម្នាក់ឯងសិនទៅ ធ្វើអ្វីដែលយើងចង់ធ្វើ ទៅកន្លែងដែលយើងចង់ទៅ សេរីភាពនៅពេញខ្លួន អំរែកក៏មិនទាន់មានលើស្មា ដូច្នេះកុំសោកាគ្រាន់តែនៅម្នាក់ឯង។



ជីវិតឯកាម្ដងម្កាលវាប្រសើរជាងរស់នៅរែកពុនទឹកភ្នែកពាក់កណ្ដាលជីវិត។ រៀបការហើយល្អនឹងគ្នា ល្អូកល្អឺនផ្អែមល្ហែមទៅគ្រាន់ ជួនជាផ្អែមតែដំបូង ដល់ពេលសម្រស់ធ្លាក់ចុះ ទ្រព្យក៏មិនសូវរកបាន លុយក៏គ្មានចាយ បាយក៏គ្មានឆី ប្រពន្ធលែងដឹងប្ដី ប្ដីលែងថ្នមប្រពន្ធ ចប់ហើយពេលហ្នឹង។



នៅម្នាក់ឯងហ្នឹងមានអីមិនល្អ ប្រើជីវិតយុវវ័យឲ្យមានន័យ ចំណាយពេលលើការងារសង្គម សេពគប់មនុស្សល្អៗឲ្យច្រើន ធ្វើអ្វីដែលមានប្រយោជន៍ ធ្វើអ្វីដើម្បីសម្រេចបំណងអនាគតខ្លួនឯង ដើរផ្សងព្រេងឲ្យច្រើន ស្គាល់កន្លែងល្អៗឲ្យច្រើន ចាំយកគ្រួសារ។ ពេលនោះជីវិតយើងក៏មានបទពិសោធច្រើន គំនិតក៏ចាស់ច្រើនជាងមុន ហើយការសម្រេចចិត្តក៏ល្អប្រសើរជាងពេលនេះដែរ៕

🥰🥰🥰

ចាប់ផ្ដើមជាថ្មី

ទោះបីជាម្សិលមិញមានរឿងអាប់អួលយ៉ាងណាក៏ដោយ ទោះបីម្សិលមិញធ្វើខុសក៏ដោយយើងត្រូវចាប់ផ្ដើមជាថ្មី ។ កុំបាក់ទឹកចិត្តអី ក្រោកឡើងហើយបន្ដដំណើរទៅមុខទៀត ។ ម្សិលមិញគ្រាន់តែជាអតីតកាលប៉ុណ្ណោះ ឱ្យតែមានថ្ងៃនេះ ឲតែដង្ហើមនៅដក នោះយើងអាចចាប់ផ្ដើមសារជាថ្មីបាន ។ រឿងដែលកន្លងផុតទៅហើយទោះស្ដាយក្រោយក៏មិនបានអ្វីមកវិញដែរ មានតែពាក្យបួនម៉ាត់គត់ដែលយើងត្រូវធ្វើ " ចាប់ផ្ដើមជាថ្មី " ។គ្រប់កាចាប់ផ្ដើមដំបូងវាមិនទាន់ទទួលបានផលទេតែអ្វីដែលសំខាន់គឺយើងត្រូវអត់ធ្មត់តស៊ូ កុំបោះបង់ កុំបាក់ទឹកចិត្ត ត្រូវចាប់ផ្តើមម្ដងទៀត ហើយរកចំណុចដែលយើងខ្វះខាត

និងកែតម្រូវម្ដងបន្ដិតៗ ។

បើចាប់ផ្ដើមជាថ្មីហើយត្រូវគិតអ្វីដែលល្អកុំគិតរឿងសៅហ្មងដែលបានកើតឡើងច្រើនពេកអីបំភ្លេចចោលខ្លះទៅ កុំដាក់សម្ពាតខ្លួនឯងពេកអី ។

ពេលវេលាតែងតែដើរទៅមុខជានិច្ច ហើយឱកាសក៏មិនមែនចេះតែមានដែរ យូៗទើបមានឱកាសម្ដង ថ្ងៃនេះយើងនិងអាចចាប់ឱកាសមិនបាន ឬសមត្ថភាពរបស់យើងមិនដល់ យើងកុំអស់សង្ឃឹមអី ក្រោកឡើងហើយពង្រឹងសមត្ថភាពខ្លួនឯងដើម្បីចាប់យកឱកាសថ្មីដែលនឹងមកដល់ ។

អ្នកត្រូវចាំថាក្នុងមួយថ្ងៃមាន24ម៉ោងប៉ុណ្ណោះ ប្រសិនបើយើងមិនរៀបចំផែនការសម្រាប់អនុវត្តន៍ឲបានច្បាស់លាស់ទេនោះ

រយៈពេល២៤ម៉ោងវានិងកន្លងផុតទៅយ៉ាងលឿន កន្លងផុតទៅដោយសារយើងមិនបានធ្វើអ្វីសោះក្នុងពេល២៤ម៉ោង វាកន្លងផុតទៅដោយឥតន័យ ។ ពេលវេលាមិនរង់ចាំយើងនោះទេ មានតែយើងទេដែលរត់តាមពេលវេលា ។

☺️☺️☺️

រៀនទទួលស្គាល់ការពិត

ជីវិតមនុស្សម្នាក់ៗតែងតែជួបទុក្ខនិងសុខវាជារឿងធម្មតាទៅហើយ ។តែអ្វីដែលសំខាន់យើងត្រូវរៀនទទួលស្គាល់ការពិត ទទួលស្គាល់នូវអ្វីដែរយើងបានធ្វើ ដែលយើងបានជួប កុំកុហកខ្លួនឯងអីវាមិនបានប្រយោជន៍អ្វីមកឡើយ ។ កុំសោកសៅ កុំកើតទុក្ខ កុំបាក់ទឹកចិត្ត កុំពួនសំងំអី ពេលដែលធ្វើខុសឬជួបបញ្ហាចូលក្រោកឈរឡើង ហើយទទួលស្គាល់នូវអ្វីដែលយើងធ្វើ ព្រមទទួលស្គាល់នូវសមត្ថភាពដែលយើងមាន ហើយបន្ដដំណើរទៅមុខទៀតជាមួយនឹងស្នាមញញឹមនិងកម្លាំងចិត្តថ្មី ។



កុំគិតថាខ្លួនឯងអន់ កុំគិតថាខ្លួនឯងខ្សោយ កុំគិតថាខ្លួនឯងមិនល្អ កុំគិតថាខ្លួនឯងល្ងង់ អ្នកត្រូវដឹងថាមានមនុស្សខ្លះអន់ជាអ្នកទៅទៀត ។ ត្រូវរស់ជាខ្លួនឯងហើយប្រឈរមុខនិងកាពិត កុំគេចវេសពីបញ្ហានិងកំហុសរបស់អ្នក ។ មានបញ្ហាអ្វីដោះស្រាយវាម្ដងមួយៗទៅ ។ មានកំហុសត្រូវចេះសុំទោស ហើយចាំទុកថានេះគឺជាកំហុស ។ កុំគេចពីបញ្ហា អ្នកកាន់តែគេចអ្នកនិងជួបបញ្ហាកាន់តែច្រើន ព្រោះថាពេលមានបញ្ហាអ្នកមិនបានដោះស្រាយវាអ្នកចេះតែទុកចោល ពេលមួយដែលអ្នកវិលមកវិញ បញ្ហានិងកាន់តែរីកធំនិងកាន់តែមានច្រើន ។



ដូចនិងស្លឹកឈើដែលទុំជ្រុះមកលើដីមួយថ្ងៃបន្តិចៗ អ្នកនិយាយថា ( ចាំស្អែកចាំបោស )



ស្អែកឡើងនៅតែតិចដដែលតែច្រើនជាងមុនបន្ដិច អ្នកថា " ចាំសប្ដាហ៍ក្រោយ " ដល់សប្ដាហ៍ក្រោយមកដល់ ស្លឹកឈើដែលជ្រុះចុះមក វានៅពាសពេញដី ដែលត្រូវចំណាយពេលពេញមួយថ្ងៃត្រូវសម្អាតឲ្យស្អាត។ ខុសពីការសម្អាតរាល់ថ្ងៃដែលចំណាយពេលត្រឹមតែ៥-១០នាទី។



ដូចគ្នានិងបញ្ហានេះដែល បើអ្នកដោះស្រាយវា វានិងដាច់ស្រឡះ តែបើបន្ដទុកវានិងគជាគំនរដូចនិងគំនរស្លឹកឈើដូច្នោះដែរ ។



" ត្រឡប់មកវិញឈប់គិតពីបញ្ហា ហើយធ្វើរឿងវិជ្ជាមាន " ។



🥰🥰🥰

ឆាកជីវិតមនុស្សយើងម្នាក់ៗមិនដូចគ្នាឡើយ។

ដូច្នេះយើងត្រូវរៀនរស់ជាខ្លួនឯង

រស់តាមបែបបទរបស់ខ្លួន

កុំរស់តាមអ្នកដទៃ

កុំរស់ព្រោះអ្នកដទៃ កុំរស់តាមព្រេងវាសនា ព្រោះថាជីវិតយើង យើងជាអ្នកកំណត់ ។



ខ្ញុំពិតជាអស្ចារ្យណាស់ដែលបានកើតមក និងមានជីវិតមកដល់ថ្ងៃនេះទាំងដែលពេលខ្លះហត់ខ្លាំង

ពេលខ្លះពិបាកចិត្តខ្លាំង ពេលខ្លះរស់ដូចជាស្លាប់ ពេលខ្លះឈឺទាំងចិត្តមិនគ្រប់មកឈឺទាំងកាយបន្ថែមទៀត តែខ្ញុំនៅតែញញឹមផ្ដល់កម្លាំងចិត្តដល់ខ្លួនឯង ហើយប្រាប់ខ្លួនឯងថា " មិនអីទេ ! ជីវិតគឺវាបែបនិងឯង.... មានទុក្ខមានសុខវាជារឿងធម្មតាទេ " ។ ខ្ញុំពិតជាអរគុណខ្លួនឯងដែលអាចទ្រាំទ្រនឹងបញ្ហាជីវិតទាំងនេះបាន ហើយនៅតែអាចបន្តដំណើរទៅរកក្ដីស្រម៉ៃបាន ទោះបីជាមានឧបសគ្គរារាំងក៏ដោយ ។



អរគុណខ្លួនឯងដែលតែងតែលើកទឹកចិត្តខ្លួនឯង និងរកសេចក្តីសុខខ្លួនឯងបាន ។

អរគុណខ្លួនឯងដែលបានឆ្លងកាត់បញ្ហាជីវិតជាច្រើន

អរគុណដែលតែងតែនិយាយលួងខ្លួនឯងគ្រប់ពេលមានបញ្ហា

និងតែងតែកំដរខ្លួនឯងពេលឯកា ។

😊😊😊

First date😑

ឲមក